男友選擇我至愛的日本料理來慶祝我生日,
他就早就在焱丸水產BOOK定位呢!
平日8點多來到, 全場爆了,好彩早有預約。
店裝潢好有日本風格,以漁船為主調, 好似置身於日本當中。
有五款刺身 ~ 有三文魚 、 油甘魚 、 赤身 、帆立殼、海膽。
厚切赤身油潤而軟滑,魚味濃郁豐腴。
厚切三文魚油脂分佈平均,入口魚油厚重 。
帆立殼有著濃郁鮮甜,有彈滑爽嫩口感。
仲有海膽入口豐腴甘甜,獨有海洋的甜美。
五款刺身,各有千秋,全部新鮮度十足,回味無窮。
大大隻廣島蠔肉身豐厚飽滿,入口creamy滑溜鮮甜,
滲出海水味,擠淋上青寧汁,令蠔味道更鮮味。
送上龍神號來仲以為全部是刺身,
見外面舖上滿了長長幾款刺身片,
打開入面原來是海膽卷, 海膽滲入壽司飯, 滋味非常。
這款又可食刺身, 又可食壽司, 十分滿足。
【秋刀魚】 $230
燒秋刀魚皮脆焦香,魚香在味蕾中不斷四散。
【蟹味噌雲丹】 $108
這是款是生食的, 松葉蓋載上了松葉蟹肉和甘腴蟹膏、
海膽、三文魚籽子及青瓜,多款口感富層次,
並要倒出香醇濃郁忌廉芥辣汁混合來食,
可提鮮味來,餘韻繞口。
蟹味噌甲羅燒就要燒, 松葉蓋載上了松葉蟹肉、蟹膏、 魚子、蔥絲及鵪鶉蛋。
燒時把鵪鶉蛋倒出與食材攪拌,直到燒到乾身就可以食。
匙出來蟹膏充滿鹹鮮濃郁,好味到爆呢!
【鮑魚殼燒】$68 x 2
鮑魚十分新鮮, 生生猛猛,見佢仲動下呢!
燒鮑魚要好好控制時間, 好在店員會幫手燒呢!
燒後鮑魚燒得焦香,口感爽滑帶嚼頭彈牙, 有鮑魚鮮味。
【醬油木魚帆立殼燒】$75 / 【松葉蟹膏帆立殼燒】$80
這二隻巨大帆立殼, 啖啖鮮甜味。
醬油木魚帆立殼燒,味道帶酸甜,帶出帆立殼肉質鮮甜開胃;
而松葉蟹膏帆立殼燒, 想不到帆立殼與鹹香蟹膏十分之配合,滋味無窮。
點了店員介紹新推出飲品
【熱情菠蘿燒酎】$78 x 2
賣相吸引, 杯內有大大新鮮菠蘿粒,
想不到與燒酎好合襯,好香甜清新。
以上每道菜我及男友食到舔舔脷及食指大動呢!
加上店員服務好好,好主動幫手燒,真讓我有賓至如歸的感覺。
焱丸水產
尖沙咀棉登徑23號華楓大廈地下5&6號舖
Yin’s Blog
* The Ztyle* She* blogspot * Beautylife * Qooza *
*QoozaBeauty * UBlog * Weshare * Elle*
希望大家喜歡我的分享
歡迎找我合作試用、出席活動
歡迎找我合作試用、出席活動
My Mail : tungng88@yahoo.com.hk
My Facebook Fan Page : http://www.facebook.com/yin.talkingabout
Instagram : http://instagram.com/yinnai88
沒有留言:
張貼留言